मेरा कुछ सामान …
मेरा कुछ सामान
तुम्हारे पास पडा है …
दिवस सुरु झाला
गुलजारच्या गीतावर .
पोळपाट-लाटण झारा-कढई
तीच गडबड तीच घाई .
मन मात्र आज स्वस्थ निवांत
थांबलेलं जणू त्या ओळीवर .
फुलं तोडतांना
आज मी
फांदीलाही जरासं गोंजारलं .
अन
घरादाराला झटकतांना
कवडशात चमकणाऱ्या
उन्हालाही न्याहाळलं .
हिरवळीवरलं ते
पिवळधम्म फुलपाखरु,
सकाळी किंचित धक्क्यानं
झंकारलेली तार,
छायाप्रकाशानं उमटवंलेलं
भिंतीवरचं चित्र,
आणि मग आठवलेलं
किती काही …
मेरा कुछ सामान शायद
पडा हैं मेरेही पास .
No comments:
Post a Comment